UMPAMA BATAK

Ai gala-gala sitelluk, telluk mardagul-dagul; pambahenanmi ma bengkuk, nanget ma I niapul-apul.
Ampapaga dolok, ampapaga ni sibuloan; unang hita marbada, hita do marsogot dohot haduan.
Ai sande ma gander bulu, tu bulung ni ampapaga; ba unang ma hita pagulut, tasungkun ma sibege hata.
Andalu panduda, anduri pamiari; ndang dapot tarjua pandokkon ni sori ni ari.
Andor halumpang togu-togu ni lombu; sai sarimatua ma ho paabing-abing pahompu.
Ai ho do nilonggi ni lili tinoktok ni porda; sinolom ni panailin tinodo ni roha.
Bibir ni sapa tu parpagaran; hata siingoton, ndang jadi toisan padan.
Bintatar panding-dingan, simartolu parhongkomna; sidok hata hagigian so ada na hinophopna.
Bagot sisandebona papitu ila-ila; pamangan na mandok, bohi do na maila.
Dangka do dupang, amak rere; ama do tulang, anak di ibebere.
Hotang binebe, hotang pinulos-pulos; unang hita mandele ai godang tudos-tudos.
Langkitang gabe hapur; na hinilang jadi mambur.
Niarit hotang bahen bibir ni hirang; unang hamu marbada, tonggi tabo na parpariban.
Niarit tarugi laho mambuat pora-pora; ia naeng iba jumpangan uli, ba ingkon olo do iba loja.

Komentar

Postingan Populer